जळगाव, दि. 27 – क्षमता बांधणीतून “समृद्ध शेती-समृद्ध जीवन” प्रकल्पांतर्गत चेतना विकास संस्था, आलोडी जिल्हा वर्धा येथे वनपट्टे धारक गांव कार्यकर्ती महिला शेतकरी यांची अभ्यास सहल आयोजित करण्यात आली.
दरम्यान जिल्हाधिकारी अभिजित राऊत यांच्या हस्ते सहलीला हिरवा झेंडा दाखवून रवाना करण्यात आले. लोक समन्वय प्रतिष्ठान संस्थेच्या वतीने शेती संदर्भात सातपुडा पर्वत रांगामधील आदिवासी क्षेत्रात सातत्याने विविध उपक्रम राबवीत असते.
यावेळी लोकसंघर्ष मोर्चाच्या प्रतिभा शिंदे, सचिन धांडे, लोकसमन्वय प्रतिष्ठानचे संजय महाजन, भरत कर्डिले, प्रमोद पाटील, फारुख शेख, दामू भारंबे, पूजा पाटील, नीता पाडवी, तूर्शा वळवी, लक्ष्मी तडवी आदी उपस्थित होते.
सन २०२१-२२ ते २०२३-२०२४ या ३ वर्षांच्या कालावधीत Motivation for Excellence (MFE) मुंबई. यांच्या आर्थिक सहाय्यातून नंदुरबार व जळगांव जिल्ह्यातील ३० गावांमधील आदिवासी कुटुंबातील महिला शेतकऱ्यांसोबत त्यांच्या शेतीविषयक कौश्यल्यांमधे सुधारित तंत्रज्ञान व सेंद्रिय शेती तसेच त्यांची डोंगर उतारावरील शेतीत फळबागलागवड, सिंचन, बियाणे व खते यांचे नियोजन या विषयांवर मार्गदर्शन व डेमोप्लॉट यांच्या माध्यमातून समृद्ध शेती प्रकल्प राबवीत आहोत.
या प्रकल्पांतर्गत या ३० गावान मध्ये एकूण ४० गांव कार्यकर्ती (CRP) यांची निवड केली आहे ज्या गावातील इतर महिला शेतकऱ्यांची क्षमता बांधणी करतील या महिला गांव कार्यकर्ती शेतकरी प्रतिनिधींची समृद्ध शेती विकास संदर्भात वर्धा जवळील आलोडी येथील डॉ.अशोक बंग यांच्या चेतना विकास या शेतीविकास विषयक संस्थेत अभ्यास सहल आयोजित केली आहे.
