यावल, (प्रतिनिधी): तालुक्यातील एका गावातून एक धक्कादायक घटना समोर आली आहे. जानेवारी ते जून २०२५ या कालावधीत १६ वर्षीय अल्पवयीन मुलीला लग्नाचे आमिष दाखवून तिच्यावर बलात्कार केल्याप्रकरणी एका तरुणाविरुद्ध गुन्हा दाखल करण्यात आला आहे.
मिळालेल्या माहितीनुसार, दुसखेडा, ता. यावल येथील चेतन अमोल सोनवणे या तरुणाने पीडित अल्पवयीन मुलीला लग्नाचे खोटे आश्वासन दिले आणि तिच्यावर लैंगिक अत्याचार केला. इतकेच नाही तर, त्याने तिला पळवून मुक्ताईनगर येथील जंगलात नेले आणि तेथेही तिच्यावर अत्याचार केला.
घडलेला हा गंभीर प्रकार पीडित मुलीने आपल्या कुटुंबीयांना सांगितल्यानंतर, तिच्या आईने फैजपूर पोलीस ठाण्यात फिर्याद दिली. या फिर्यादीवरून फैजपूर पोलिसांनी चेतन सोनवणे याच्याविरुद्ध बालकांचे लैंगिक अत्याचारापासून संरक्षण कायदा (POCSO) अंतर्गत गुन्हा दाखल केला आहे. या प्रकरणाचा पुढील तपास सहाय्यक पोलीस निरीक्षक रामेश्वर मोताळे यांच्या मार्गदर्शनाखाली पोलीस उपनिरीक्षक विनोद गाभणे करत आहेत.
