जळगाव, दि. 19 – बहुजन समाज पार्टीच्या जळगाव शहर विधानसभा क्षेत्राची कार्यकारणी नुकतीच जाहीर करण्यात आली आहे. यासंदर्भात शुक्रवारी जळगावात बैठक घेत ही घोषणा करण्यात आली.
यात प्रभारी- मनोज संतोष वाघ, अध्यक्ष- मुकेश बारसू कोचुरे, उपाध्यक्ष- भूषण राजेश नवले, महासचिव- आकाश सुधाकर अंभोरे, कोषाध्यक्ष- दस्तगीर युसूफ खाटीक आदींची नियुक्ती करण्यात आली आहे.
दरम्यान जिल्हा प्रभारी सुरेश गणवीर, जिल्हाध्यक्ष एडवोकेट नितीन रजाने, जिल्हा उपाध्यक्ष प्रकाश मेघे आदी पदाधिकाऱ्यांच्या सहीचे नियुक्तीपत्र नवनियुक्त जळगाव शहर विधानसभा कार्यकारिणीच्या पदाधिकाऱ्यांना देण्यात आले.
यावेळी नवनियुक्त कार्यकारणी पदाधिकाऱ्यांना फुल बुके देत शुभेच्छा देण्यात आल्या, तसेच बहुजन समाज पार्टीचे ध्येय व धोरणे समाजातील प्रत्येक घटकापर्यंत पोहोचवण्याचे आवाहन करण्यात आले.
