जळगाव, दि.14 – शहरातील कला सिद्दी फाऊंडेशनया सामाजिक संस्थेच्या वतीने विविध सामाजिक उपक्रम राबविले जात असतात. याच उपक्रमा अंतर्गत रविवारी शहरातील रेड क्रॉस संस्थेत रक्तदान कार्यक्रमाचे आयोजन करण्यात आले. कला सिद्दी फाऊंडेशनच्या अध्यक्ष आरती शिंपी दरवर्षी आपल्या मुलांचा वाढदिवस पारंपरिक पद्धतीने साजरा करतात.
मात्र गेल्या काही वर्षांच्या पासून सेवा धर्म परिवाराशी जुळल्याने सामाजिक कार्यातून वाढदिवस साजरा करण्याची त्यांना प्रेरणा मिळाली. याच प्रेरणेतून त्यांनी आपल्या मुलाचा वाढदिवस इतरांच्या दृष्टीने जीवदान देणारा असावा म्हणून त्यांनी आज रक्तदान शिबिराचे आयोजन केले. यावेळी चाळीस दात्यानी रक्तदांनकेले.
कार्यक्रमाच्या शुभारंभ प्रसंगी महापौर जयश्री महाजन, महिला आणि बालविकास अधिकारी विजय परदेशी, कला सिद्दी फाऊंडेशनच्या अध्यक्षा आरती शिंपी, सदस्य बेबीताई खोडपे, रेड क्रॉसच्या उज्वला वर्मा, विनोद बियाणी इत्यादी मान्यवर उपस्थित होते. मान्य वारांच्या हस्ते रक्तदात्यांचा प्रमाण पत्र देऊन सत्कार करण्यात आला.
आपल्या मुलाच्या वाढदिवसानिमित्ताने आरती शिंपी यांनी रक्तदान शिबिराचे आयोजन करीत समाजासाठी आदर्श घालून दिल्याचे मत महापौर जयश्री महाजन यांनी व्यक्त केले. कार्यक्रमाच्या यशस्वीतेसाठी अमेय शिंपी, सिद्दी शिंपी, बेबी खोडपे, रुपाली चौधरी यांनी परिश्रम घेतले.