जळगाव, (प्रतिनिधी) : शहरातील एका बंद बेकरीत लसूण गोण्या साठवल्याची माहिती एमआयडीसी पोलिसांना मिळाली होती. हा साठा जप्त करण्यात पोलिसांना यश आले आहे. जळगाव येथील एका टेम्पो चालकाने लसूणचा माल योग्य पत्त्यावर पोचविण्याऐवजी व्यापाऱ्यांचा विश्वासघात करून ५ लाखांचा लसूण लांबवित जळगाव येथे चोरीच्या उद्देशाने आणल्याचे तपासात दिसून आले आहे. संशयित आरोपींचा शोध सुरु आहे. तसेच, व्यापाऱ्याला हा माल परत देण्यात आला आहे.
एमआयडीसी पोलीस स्टेशनचे पोलीस निरीक्षक संदीप पाटील यांना गोपनीय माहिती मिळाली की, नितीन साहित्य नगर, सुप्रीम कॉलनी, जळगाव येथील एका बंद बेकरीत चोरून आणलेल्या लसणाच्या गोण्या साठविल्या आहेत. या माहितीवर आधारित एमआयडीसी पोलिसांची एक टीम कारवाईसाठी रवाना करण्यात आली. सहा पोलीस निरीक्षक गणेश वाघ, पोलीस उपनिरीक्षक अशोक काळे, पोलीस नाईक रवींद्र परदेशी, पोलीस शिपाई शशिकांत मराठे, रतन गीते, नरेंद्र मोरे आणि राहुल पाटील यांचा स्टाफ बेकरीची झडती घेण्यासाठी उपस्थित होता. पंचांच्या समक्ष तपास केला असता, बंद बेकरीत ९७ गोण्या लसूण सापडल्या, ज्यांची किंमत सुमारे ४ लाख ८५ हजाराचे रुपये आहे. बेकरीचे मालक, ईश्वर प्रकाश राठोड यांना विचारले असता, त्यांनी सांगितले की, त्यांचा चुलत भाऊ विनोद गणेश रुढे, सुप्रीम कॉलनी, जळगाव याने हे माल कुठून तरी विकत आणले आहे.
मात्र, मालाच्या खरेदीची कोणतीही बिले त्यांच्या ताब्यात नाहीत. राठोड यांनी फक्त साठवण्यासाठी माल बेकरीत ठेवला होता. त्यामुळे लसूण मालाची स्वामित्वाबाबत संशय उपस्थित झाला. एमआयडीसी पोलिसांनी यानंतर माल जप्त करुन, विनोद रुढे याच्यावर गुन्हा दाखल केला. तपासात समोर आले की, श्याम रमेश मनवाणी, नागपूर येथील टाटा ओनियन कंपनीचे मालक, या मालाची खरी मालकता आहेत. त्यांनी या मालाची महिंद्रा टेम्पो चालक, ईश्वर रुढे याच्या ताब्यात दिली होती. रुढे याने मात्र, माल पोचविण्याऐवजी, तो चोरून घेतला आणि त्याचे स्वतःचे आर्थिक फायदे साधले. पोलिसांनी तत्काळ कारवाई करत, माल जप्त केला. श्याम रमेश मनवाणी यांना त्यांचा माल परत केला. श्याम मनवाणी यांनी जळगाव पोलिसांच्या कार्यवाहीचे कौतुक केले. ही कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते आणि उपविभागीय पोलिस अधिकारी संदीप गावित यांच्या मार्गदर्शनाखाली एमआयडीसी पोलिस स्टेशनच्या अधिकारी आणि कर्मचारी यांनी केली.
