जळगावच्या बिबानगर येथील घटना
जळगाव, (प्रतिनिधी) : वाळू चोरी रोखण्यासाठी तलाठी वर्ग गस्त घालत असतांना एका वाळूने भरलेल्या ट्रॅक्टरने तहसीलदार यांच्या वाहनाला जोरदार धडक दिली. यात सुदैवाने कुणीही जखमी झाले नाही. मात्र वाळूमाफियांनी चक्क तहसीलदारांच्या वाहनाला धडक देऊन कारवाई मध्ये अडथळा आणण्याचा प्रयत्न केला आहे. सदर वाहन हे जिल्हाधिकारी कार्यालयात जमा करण्यात येत होते.
गुरुवारी आज सकाळच्या सुमारास ४ ते ५ तलाठी यांनी बिबा नगर या ठिकाणी वाळूने भरलेले ट्रॅक्टर पकडले. हे वाहन जमा करण्यासाठी तलाठी यांनी तहसीलदार यांचे वाहन बोलाविले होते. तहसीलदार यांचे वाहन आल्यावर या ठिकाणहून ट्रॅक्टर जमा करण्यासाठी नेत होते. तेव्हा ट्रॅक्टर चालक हे वाहन पळवून घेऊन जात असतांना ट्रॅक्टरने तहसीलदार यांच्या वाहनाला जोरदार धडक दिली. सुदैवाने हि गाडी उलटी होता होता वाचली. या धडकेत कुणीही जखमी झाले नाही. हे ट्रॅक्टर जमा करण्यासाठी जिल्हाधिकारी कार्यालयात आणले जात होते.
