आमदार राजूमामा भोळे यांनी घेतली उद्योजक अशोक जैन यांची भेट

जळगावच्या विकासाचा रथ अविरत.. – अशोक जैन

जळगाव, (प्रतिनिधी) : जळगाव शहर विधानसभा मतदारसंघाचे भारतीय जनता पार्टी-महायुतीचे अधिकृत उमेदवार सुरेश दामु भोळे ऊर्फ राजूमामा यांनी ज्येष्ठ उद्योजक व जैन इरिगेशन सिस्टिम्स लि.चे चेअरमन अशोक जैन यांची भेट घेतली. यावेळी शहराच्या विकासासंदर्भात व ‘व्हिजन डॉक्युमेंट २०२४-२०२९’ यासंदर्भात सविस्तर चर्चा करण्यात आली.

जळगाव शहराचा कायापालट करण्यासाठी राजूमामांनी येत्या पाच वर्षात करावयाची कामे यासंदर्भात अशोक जैन यांनी त्यांना मार्गदर्शन केले. जैन हिल्स येथे झालेल्या या भेटीत सामाजिक, औद्योगिक, व्यावसायिक, दळण-वळण, पर्यावरण, शैक्षणिक, क्रीडा, ऊर्जा आदि विषयांवर दोघांमध्ये सविस्तर चर्चा झाली. या भेटीमुळे जळगावला वैभवप्राप्त करण्यासाठी निश्चितच उपयुक्त ठरणार आहे.