पाचोरा, (प्रतिनिधी) : शिवसेना, भाजपा, राष्ट्रवादी काँग्रेस, रिपाई महायुतीचे उमेदवार आ. किशोर पाटील यांच्या प्रचारार्थ उद्या मंगळवार रोजी तालुक्यातील पिंपळगाव हरे येथून सुरुवात करण्यात येणार आहे. यानिमित्ताने सकाळी ८:३० वाजता संत गोविंद महाराज मंदिरात महाराजांचे दर्शन घेवून प्रचाराचा नारळ वाढवण्यात येणार आहे. यानंतर ग्रामस्थांच्या भेटी घेणार आहेत.
या रॅलीसाठी भारतीय जनता पार्टीच्या खा. स्मिता वाघ, महायुतीचे उमेदवार आ. किशोर पाटील, सेनेचे जिल्हा प्रमुख रावसाहेब पाटील, भाजपा जिल्हा उपाध्यक्ष मधुकर काटे, डॉ. शांतीलाल तेली, तालुका प्रमुख सुनील पाटील, बाजार समितीचे सभापती गणेश पाटील, वसंत गीते, विनोद महाजन, अनिल महाजन, नंदू पाटील, ज्ञानेश्वर सोनार, रवी गीते, रमेश नाना, सुनील पाटील, राहुल पाटील, इंदल परदेशी, विजय राठोड, बंटी राठोड, किशोर पाटील आदी पदाधिकारी कार्यकर्ते उपस्थित राहणार आहेत. यावेळी भाजपा, शिवसेना, रीपाई महायुतीचे पदाधिकारी आजी माजी लोकप्रतिनिधी व कार्यकर्त्यांनी उपस्थित रहावे असे आवाहन करण्यात आले आहे.
