जळगाव, दि.२६ – जळगाव तालुक्यात शिरसोली, चिंचोली, धानवड आदी गावांमध्ये महाआघाडीचे उमेदवार करण पवार-पाटील यांच्या प्रचाराला सुरुवात झाली. शिरसोली येथे श्री गणेश व हेमाडपंथी दक्षेश्वर महादेव मंदिरात जाऊन पूजाअर्चा करून प्रचाराला प्रारंभ करण्यात आला.
यावेळी कार्यकर्त्यांनी करणदादा तुम आगे बढो, हम तुम्हारे साथ है, महाविकास आघाडीचा विजय असो, अशा विविध घोषणा देऊन महाविकास आघाडीला विजयी करण्याचे आवाहन केले. यावेळी गावात ठिकठिकाणी औक्षण करून स्वागत करण्यात आले. रॅली दरम्यान नागरिकांशी संवाद साधला.
यावेळी प्रचार रॅलीत माजी पालकमंत्री गुलाबराव देवकर, सहसंपर्क प्रमुख गुलाबराव वाघ, शिवसेनाचे तालुकाप्रमुख उमेश पाटील, युवासेना धरणगाव तालुकाप्रमुख निलेश चौधरी, बाजार समितीचे माजी सभापती लक्ष्मण पाटील, काँग्रेस तालुका अध्यक्ष मनोज चौधरी, राष्ट्रवादी काँग्रेस युवक जिल्हाध्यक्ष उमेश पाटील, जळगाव कृषी उत्पन्न बाजार समिती संचालक डॉ. अरुण पाटील, योगराज सपकाळे, धानवडचे उपसरपंच दिलीप चव्हाण, हेमंत पाटील, धवल पाटील, राष्ट्रवादी काँग्रेसचे सरचिटणीस संजय चव्हाण, तालुकाध्यक्ष मनोज चौधरी, उपाध्यक्ष रवी सोनवणे, सरचिटणीस मुरली सपकाळे, संदीप वाघ, रवींद्र चौधरी, सुभाष भंगाळे, बापू परदेशी, शिरसोली प्र.न.चे सरपंच हिलाल मल्हारी भिल्ल, उपसरपंच शशिकांत अस्वार, शिरसोली प्र.बो. चे सरपंच पती अर्जुन पवार, उपसरपंच समाधान जाधव, शिरसोली प्र.बो. ग्रामपंचायत सदस्य डिगंबर बारी, अर्जुन पवार, प्रदिप पाटील, रईस शेख, राजेंद्र बारी, प्रदिप खलसे, ईश्वर कोळी आदींसह पदाधिकारी कार्यकर्ते आणि शेकडो ग्रामस्थ उपस्थित होते.
