अमळनेर, दि. 06 – तालुक्यातील कळमसरे येथील मरीआईचा यात्रोत्सव नुकताच उत्साहात संपन्न झाला. हेमंत उखा व्हलर यांनी स्वयंपूर्तीने व ग्रामस्थांच्या मदतीने या यात्रोत्सवाची सुरुवात केली आहे.
गेल्या पाच वर्षांपासून आयोजित करण्यात येत असलेल्या या यात्रोत्सवात सुरवातीला ध्वज मिरवणूक काढण्यात आली. यानंतर हा ध्वज मंदिरावर लावण्यात आला.
दरम्यान मरी आईचे दर्शन घेण्यासाठी पंचक्रोशीतून भाविक मोठ्या संख्येत येत असतात. यात्रे निमीत्त याठिकाणी लहान- मोठे पाळणे, झुले, लहान मुलांसाठी खेळण्यांचे दुकाने लावण्यात आले होते, यावेळी बालगोपालांसह अनेकांनी यात्रेत मनमुराद आनंद लुटला.
