पारोळा, दि. 03 – येथील वसंतनगर प्राथमिक, माध्यमिक, उच्च माध्यमिक आश्रम शाळेत सावित्रीबाई फुले यांची जयंती उत्साहात साजरी करण्यात आली. यावेळी विद्यार्थिनींनी फेटे घालून लेझीम मिरवणूक काढली. दरम्यान विद्यार्थिनींच्या लेझिम मिरवणुकीने ग्रामस्थांचे लक्ष वेधुन घेतले.
मिरवणूकीत आठवीची विद्यार्थिनी रोशनी जाधव हीने सावित्रीबाई यांची प्रतिकृती साकारली होती. ढोल ताशाच्या गजरात विद्यार्थ्यांचा उत्साह दिसून आला. दरम्यान शाळेच्या आवारात सावित्री बाई यांच्या प्रतिमेचे पूजन मान्यवरांच्या हस्ते करण्यात आले.
यावेळी संतोष जाधव, अभिराम जाधव, आत्माराम जाधव, मनोज जाधव ,पोलीस पाटील विलास जाधव, प्राथमिक मुख्याध्यापक सोपान पाटील, माध्यमिक मुख्याध्यापक सी के पोतदार, एस जे भामरे आदींची प्रमुख उपस्थिती होती. कार्यक्रमाचे सूत्रसंचालन पी.एच.निकुंभे तर आभार हिरालाल पाटील यांनी मानले.
