जळगाव, (प्रतिनिधी) : ‘एक गाव एक गणपती’ सार्वजनिक गणेशोत्सव मंडळ आणि शासकीय आयुर्वेद महाविद्यालय यांच्या संयुक्त विद्यमाने, मुख्यमंत्री सहायता कक्षाने सुरू केलेल्या ‘श्री गणेशा आरोग्याचा’ या उपक्रमांतर्गत साईबाबा मंदिराच्या पटांगणात मोफत आरोग्य तपासणी शिबिराचे आयोजन करण्यात आले होते. या शिबिरात सर्व वयोगटातील नागरिकांनी मोठ्या संख्येने सहभाग घेतला.
शिबिरात रक्तदाब, वजन, शुगर, एचबी, सीबीसी, डब्ल्यूबीसी, थायरॉईड, आणि ईसीजी यांसारख्या विविध महत्त्वाच्या आरोग्य तपासण्या करण्यात आल्या. तपासणीनंतर नागरिकांना मोफत वैद्यकीय सल्ला आणि मार्गदर्शनही देण्यात आले. शासकीय आयुर्वेद महाविद्यालय, जळगावचे अधिष्ठाता डॉ. आगतराव औघडे यांच्या नेतृत्वाखाली डॉ. सीमा गिरी, डॉ. शर्मिली सूर्यवंशी, डॉ. अनिल वाघ आणि त्यांच्या संपूर्ण टीमने शिबिरात सेवा दिली. सुमारे १५० नागरिकांनी या शिबिराचा लाभ घेतला.
यावेळी ‘एक गाव एक गणपती’ मंडळाचे संस्थापक अध्यक्ष तथा माजी नगरसेवक प्रशांत नाईक यांच्यासह राहुल सानप, योगेश नाईक, ऋषभ लाडवंजारी, भावेश पालवे, महेश लाड, आकाश वाघ, तेजस वाघ, गौरव घुगे, सिद्धार्थ घुगे, तेजस घुगे, दीपक नाईक, सागर लाड, महेश घुगे, देवेंद्र वंजारी, वैभव वाघ आणि किरण नाईक उपस्थित होते.
