विजय बाविस्कर | भडगाव, (प्रतिनिधी) : येथील राष्ट्रवादी काँग्रेस (शरद पवार गट) आणि माळी समाजाच्या अनेक पदाधिकाऱ्यांनी आमदार किशोर पाटील यांच्या नेतृत्वावर विश्वास ठेवून शिवसेनेत जाहीर प्रवेश केला. यामुळे आगामी स्थानिक स्वराज्य संस्थांच्या निवडणुकांमध्ये शिवसेना शहर आणि ग्रामीण दोन्ही भागात अधिक मजबूत होण्यास मदत होणार आहे.
ग्रामीण आणि शहरी भागातील माळी समाज तसेच राष्ट्रवादी काँग्रेस (शरद पवार गट) च्या प्रमुख पदाधिकाऱ्यांनी आज शिवसेनेत प्रवेश केला. यामध्ये महात्मा फुले शिक्षण प्रसारक मंडळाचे अध्यक्ष तथा राष्ट्रवादी काँग्रेस किसान सेलचे अध्यक्ष दीपक संभाजी महाजन, संचालक रमेश महाजन, महात्मा फुले सेवाभावी मंडळाचे सचिव विनोद महाजन, माळी पंच मंडळाचे अध्यक्ष मुकुंदा महाजन, सावित्रीबाई फुले पतसंस्थेचे अध्यक्ष मनोज महाजन, आणि शिंदीचे माजी सरपंच दीपक महाजन यांचा समावेश आहे. त्यांच्यासोबत नावर्याचे प्रकाश महाजन, विजय महाजन, नंदु महाजन, रामचंद्र परदेशी, संदीप परदेशी, राकेश महाजन यांनीही शिवसेनेत प्रवेश केला.
या पक्षप्रवेश सोहळ्याला शिवसेनेचे जिल्हाप्रमुख रावसाहेब पाटील, माजी नगराध्यक्ष राजेंद्र पाटील, समन्वय समितीचे अध्यक्ष युवराज पाटील, शिवसेनेचे जिल्हा उपसंघटक संजय पाटील, तालुकाप्रमुख सुधाकर पाटील, जिल्हा समन्वयक डॉ. प्रमोद पाटील, शहरप्रमुख आबा चौधरी, विजयकुमार भोसले, माजी नगरसेवक जगन भोई, उप तालुकाप्रमुख संजय वेलजी पाटील, गणप्रमुख सोनू महाजन, आबा महाजन, अनिल बिराडी आदी पदाधिकारी आणि कार्यकर्ते मोठ्या संख्येने उपस्थित होते.
या पक्षप्रवेशामुळे राष्ट्रवादी काँग्रेस (शरद पवार गट) ला भडगाव तालुक्यात मोठा धक्का बसला असून, शिवसेनेला नव्याने बळ मिळाल्याचे चित्र आहे.
