जळगाव, दि. 13 – महानगर पालिकेची बुधवारी आयोजित करण्यात आलेली विशेष महासभा भाजपच्या नगरसेवकांनी आक्रमक पवित्रा घेतल्याने तहकूब करण्यात आली. या महासभेत स्थायी समिती सदस्य नियुक्ती आणि स्वीकृत नगरसेवकांची नियुक्ती जाहीर करण्यात येणार होती.
दरम्यान नगरसेवक कैलास सोनवणे यांनी गटनेता पदाबाबत मुद्दा उपस्थित करून भाजपचे अधिकृत गटनेता भगत बालाणी असल्याचे सांगितले, तसेच ही सभा बेकायदेशीर असल्याचे म्हणत सभा तहकूब करण्याची मागणी केली.
या संपूर्ण प्रकरणात भाजपने शिवसेनेला कोंडीत पकडले. यावेळी सत्ताधारी व विरोधी पक्षाचे नगरसेवक आमने- सामने आल्याने महासभेत गोंधळ उडाला. दरम्यान महापौर जयश्री महाजन यांनी सभा तहकूब करत असल्याची घोषणा केली.
