जळगाव, (प्रतिनिधी) : शहरातील योगेश्वर नगर परिसरात शुक्रवारी संध्याकाळी मुसळधार पावसासोबत वीज पडल्याची घटना घडली आहे. त्यामुळे परिसरातील नागरिकांच्या वस्तूंचे व वाहनांचे मोठ्या प्रमाणात नुकसान झाले आहे.
जळगाव पोलीस दलातील सेवानिवृत्त सहाय्यक फौजदार दिलीप येवले यांच्या चारचाकी वाहनासह घरातील विविध वस्तूंचे मोठ्या प्रमाणात नुकसान झाले. दिलीप येवले यांच्या घराचे प्लास्टर पडून ते चारचाकी वाहनाच्या काचेवर कोसळले. त्यामुळे वाहनाचा काच फुटला. याशिवाय घरातील एसी, फॅन आणि इतर इलेक्ट्रिक व इलेक्ट्रॉनिक वस्तूंचे देखील नुकसान झाले.
इतर रहिवाशांच्या घरातील टीव्ही, फ्रिज अशा वस्तूंचे नुकसान झाले आहे. मात्र त्याबाबत अधिकृत माहिती मिळू शकलेली नाही.
