जळगाव, (प्रतिनिधी) : भारतीय टपाल आयोजित युनिव्हर्सल पोस्टल युनियन आंतरराष्ट्रीय पत्रलेखन स्पर्धेत राज्यात प्रथम क्रमांक मिळवल्याबद्दल कु. सलोनी ज्ञानेश्वर घुगे हिचा वंजारी युवा संघटनेतर्फे सत्कार करण्यात आला. यात सन्मानपत्र व रोख पारितोषिक देण्यात आले.
▪️ आजचा रंग- जांभळा
कु. सलोनी हिचे वडील रिक्षाचालक असून प्रतिकूल परिस्थितीत देखील तिने यश संपादन केल्याबद्दल तिचे सर्वत्र कौतुक होत आहे. दरम्यान वंजारी युवा संघटनेतर्फे अध्यक्ष तथा माजी नगरसेवक प्रशांत नाईक यांच्या हस्ते तीचा शाल व श्रीफळ देऊन सत्कार करण्यात आला.
वंजारी समाजातील लेकीने राज्यस्तरीय स्पर्धेत घवघवीत यश प्राप्त करून राज्यस्तरावर प्रथम क्रमांक मिळवण्याचा मान मिळवला आहे. अशा सर्व लेकरांचा सत्कार करणे हे आमचे परमभाग्य व कर्तव्य असल्याचे प्रशांत नाईक यांनी बोलताना सांगितले. यावेळी उपाध्यक्ष नामदेव वंजारी, उमेश वाघ, सुधीर नाईक, दिनेश नाईक, योगेश घुगे आदींसह पदाधिकारी उपस्थितीत होते. हा सत्कार करण्यात आला.
