जळगाव बसस्थानकातील घटना
जळगाव (प्रतिनिधी ) ;- वृध्द शेतकऱ्याच्या खिश्यातून ३५ हजारांची रोकड अज्ञात चोरट्यांनी चोरून नेल्याची घटना शहरातील बसस्थानक आवारात बुधवारी ७ ऑगस्ट रोजी दुपारी घडली आहे. याप्रकरणी जिल्हापेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
शालीग्राम तुकाराम पाटील वय ६५ रा.सामरोद ता.जामनेर हे आपल्या कुटुंबासह राहत असून ते शेती करून ते आपला उदरनिर्वाह करतात. बुधवारी ७ ऑगस्ट रोजी ते कामाच्या निमित्ताने जळगाव शहरात आले होते. दुपारी २ वाजेच्या सुमारास ते जामनेरला जाण्यासाठी जळगाव बसस्थानकात आलेले होते.
जामनेर बसमध्ये चढत असतांना अज्ञात चोरट्याने त्यांच्या खिश्यातील ३५ हजारांची रोकड काढून चोरून नेले. पैशांची चोरी झाल्याचे लक्षात आल्यानंतर त्यांनी सर्वत्र घेतला असता रक्कम मिळून न आल्याने त्यांनी जिल्हापेठ पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. तपास पोहेकॉ विनोद भोळे हे करीत आहे.
