जळगाव | दि.०३ ऑगस्ट २०२४ | शहरातील कासमवाडी परिसरातील एका तरुणीने आजाराला कंटाळून गळफास घेत आत्महत्या केल्याची घटना शनिवार सकाळच्या सुमारास उघडकीस आली आहे. या प्रकरणी एमआयडीसी पोलीस स्टेशनला अकस्मात मृत्यूची नोंद करण्याचे काम सुरू होते.
अश्विनी प्रकाश पाटील (वय १८, रा.कासमवाडी, जळगाव) असे मयत तरुणीचे नाव असून ती कासमवाडी परिसरात आई, वडील, दोन भाऊ यांच्यासह राहत होती. अश्विनीचे वडील प्रकाश पाटील हे खाजगी वाहनांवर चालक म्हणून काम करून परिवाराचा उदरनिर्वाह करतात. तर अश्विनी ही शिक्षण घेत होती. काही दिवसांपासून अश्विनी आजारी असल्याने तणावात होती.
दरम्यान शनिवारी दि. ३ ऑगस्ट रोजी सकाळी घरी कोणी नसताना अश्विनीने राहत्या घरी छताला गळफास लावून घेत आत्महत्या केली. दरम्यान कुटुंबीयांच्या लक्षात येताच त्यांनी अश्विनीला शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकारींनी तपासून मयत घोषित केले. यावेळी कुटुंबीयांनी एकच आक्रोश केला. एमआयडीसी पोलीस स्टेशनला अकस्मात मृत्यूची नोंद करण्यात आली आहे.
