जळगाव, दि. 17 – देशाचे पंतप्रधान नरेंद्र मोदी यांच्या 71 व्या वाढदिवसानिमित्त भारतीय जनता पार्टीच्या वतीने जळगावात भव्य कोरोना लसीकरण कार्यक्रम घेण्यात आला. दरम्यान नागरिकांचा लसीकरण मोहिमेस उस्फुर्त प्रतिसाद होता. याप्रसंगी 2271 नागरिकांना कोविशिल्ड लसीचा पहिला व दुसरा डोस देण्यात आला.
लसीकरण मोहिमेच्या सुरुवातीला आमदार सुरेश भोळे यांच्या हस्ते भारत मातेच्या प्रतिमेचे पुजन करण्यात आले, यावेळी वैद्यकीय आघाडीचे डॉक्टर नरेंद्र ठाकूर, डॉक्टर धर्मेंद्र पाटील यांच्यासह भाजपा पदाधिकारी, कार्यकर्ते उपस्थित होते. “हमारा ये संकल्प है, की हर परिवार सशक्त हो संपन्न हो, और संकट के समय मे भी निश्चिंत हो”.. बॅनर वर लिहिलेल्या या ओळी सर्वांचे लक्ष वेधून घेत होत्या. दरम्यान कार्यक्रमासाठी महिला आघाडी, युवा मोर्चा च्या पदाधिकारी, कार्यकर्त्यांनी परिश्रम घेतले.
पहा .. व्हिडिओ
