जळगाव, दि.२७ – स्थानिक गुन्हे शाखेला मिळालेल्या गोपनीय माहितीच्या आधारे तीन वर्षापासून फरार असलेला चोरीच्या गुन्ह्यातील आरोपीला पकडण्यात पोलिसांना यश आला आहे. चाळीसगाव शहर पोलीस स्टेशन मध्ये दाखल असलेल्या गुन्ह्यातील आरोपी धीरज अरुण कानडे हा जळगाव शहरातील आकाशवाणी चौकात येणार असल्याची गोपनीय माहिती स्थानिक गुन्हे शाखेला मिळाली होती. दरम्यान त्यांनी त्याला शिताफीने ताब्यात घेतले.
धीरज कानडे (वय -३६) रा. आडगाव ता. एरंडोल याच्यावर चाळीसगाव शहर पो.स्टे. मध्ये गुरन २४४/२०२१ भादवि कलम ३७९ प्रमाणे गुन्हा दाखल असून पोलीस पथकातील पोलीस अधिकारी व अंमलदार यांनी त्यास ताब्यात घेतले. दरम्यान त्याची विचारपुस करुन पुढील कायदेशीर कारवाई करीता चाळीसगाव शहर पोलीस स्टेशन येथे ताब्यात देण्यात आले आहे.
सदर ची कारवाई ही पोलीस अधीक्षक डॉ. महेश्वर रेड्डी, चाळीसगावच्या अपर पोलीस अधीक्षक कविता नेरकर-पवार, सहा पोलीस अधीक्षक अभयसिंह देशमुख, स्थानिक गुन्हे शाखेचे पोलीस निरीक्षक किसन नजन-पाटील यांच्या मार्गदर्शनाखली पोउनि. गणेश वाघमारे, पोहेकॉ नंदलाल पाटील, पो.ना. भगवान पाटील, पो.ना. राहुल बैसाणे, पो.कॉ. हेमंत पाटील, स्थानिक गुन्हे शाखा अशा पथकाने कामगीरी केली.
