जळगांव, दि. ०६ – येथील तांबापूर परिसरात बांधकाम मजुरांना मिळणाऱ्या योजने बाबत नाव नोंदणी शिबिराचे आयोजन तांबापूर फाउंडेशन व मुमेंट फॉर पीस अँड जस्टीस यांच्यातर्फे सोमवारी करण्यात आले होते. या वेळी एकूण ८६ कामगारांनी नाव नोंदणी केली.
या प्रसंगी बांधकाम कामगार यांना बांधकाम मंडळा मार्फत मिळणाऱ्या विविध योजनांची सविस्तर माहिती देण्यात आली. नोंदणी केलेले सर्व अर्ज कामगार आयुक्त कार्यालयात जमा करण्यात येणार असून तांबापूर फाउंडेशन चे अध्यक्ष मतीन पटेल, मुमेंट फॉर पीस अँड जस्टिस चे आरिफ देशमुख यांच्या प्रमुख उपस्थितीत अर्ज भरण्यात आले.
अनवर शेख, ईसा शेख सांच्या माध्यमाने खुदाई कामगार, बिल्ड़िंग पेंटिंग कामगार, गवंडी कामगार, वायरमन, प्लम्बिंग कामगार, सुतार कामगार, वेल्डिंग कामगार इत्यादी कामगारांचे अर्ज भरण्यात आले. फहीम पटेल, राजू पटेल, अशफाक देशपांडे, राजु पटेल, अल्फेज़ पटेल, नुरेजमिल पटेल यांनी सहकार्य केले.
