जळगाव, दि.०५ – डॉ.सर्वपल्ली राधाकृष्णन यांच्या जयंती निमित्त शिक्षक दिनाचे औचित्य साधून राष्ट्रवादी काँग्रेस शिक्षक महानगर आघाडीतर्फे रविवारी जळगावात शिक्षकांचा सत्कार करण्यात आला. कार्यक्रमाच्या अध्यक्षस्थानी कवयत्री बहिणाबाई उत्तर महाराष्ट्र विद्यापीठाचे माजी कुलगुरू डॉ.के.बी. पाटील हे होते. तर कार्यक्रमाचे प्रमुख पाहुणे म्हणून माजी पालकमंत्री सतिष पाटील, जिल्हाध्यक्ष रवींद्र पाटील, उत्तर महाराष्ट्र महिला विभागीय उपाध्यक्षा कल्पना पाटील, महानगराध्यक्ष अभिषेक पाटील, कुणाल पवार, स्वप्निल नेमाडे आदी मान्यवर व्यासपीठावर उपस्थित होते.
शिक्षकांनी आपले कार्य जबाबदारी करावे. ऑनलाईन शिक्षणाला सामोरे जावे या सगळ्या गोष्टींच्या बाबतीत आपल्या अध्यक्षीय भाषणामध्ये शिक्षकांची होणारी तारेवरची कसरत आणि विद्यार्थ्यांचे होणारे नुकसान याविषयी माजी कुलगुरू के.बी.पाटील यांनी मार्गदर्शन करत शिक्षकांना शुभेच्छा दिल्या.
कार्यक्रमाचे सूत्रसंचालन सागर पाटील तर आभार मनोज भालेराव यांनी केले. याप्रसंगी शिक्षक आघाडी कार्यकारणीतील सदस्य हेमंत सोनार, प्रवीण धनगर, मनोज भालेराव, सागर पाटील, पंकज सूर्यवंशी, विजय विसपुते यांनी परिश्रम घेतले.
