जळगाव, दि.०९ – ‘महानगरपालिका क्षेत्रात मुलभूत सोयीसुविधांचा विकास’ योजनेंतर्गत शहरासाठी नऊ कोटी रुपये निधी मंजूर करण्यात आला आहे. ही जळगाव शहरातील नागरिकांसाठी अत्यंत आनंदाची बाब असून यामध्ये शहरातील विविध विकास कामांचा समावेश करण्यात आलेला असल्याचे भारतीय जनता पार्टीचे प्रसिद्धी प्रमुख मनोज भांडारकर यांनी कळविले आहे.
खासदार उन्मेष पाटील आणि जळगाव शहराचे आमदार सुरेश दामु भोळे (राजुमामा) यांच्या विशेष प्रयत्नांनी सदरचा निधी प्राप्त झाला असून यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस, वैद्यकीय शिक्षण मंत्री गिरीश महाजन, पालकमंत्री गुलाबराव पाटील यांचे विशेष सहकार्य लाभले आहे.
राज्यात शिंदे व फडणवीस सरकार आल्यापासून जळगाव शहराला भरीव निधी दिल्याबद्दल मुख्यमंत्री एकनाथ शिंदे, उपमुख्यमंत्री देवेंद्र फडणवीस, ना. गिरीश महाजन, पालकमंत्री गुलाबराव पाटील यांचे संपूर्ण जळगाव शहर वासीयांच्या वतीने आमदार राजुमामा भोळे यांनी आभार मानले आहे.
