जळगाव | महाराष्ट्र प्रांतिक तेली समाज महासभा जळगाव जिल्हापुर्वचे अध्यक्ष प्रशांत सुरेश सुरळकर यांची नाशिक विभाग तेली समाजाच्या कार्याध्यक्षपदी निवड करण्यात आली आहे.
महाराष्ट्र प्रांतिक तेली समाज महासभा या संस्थेच्या नावात बदल झाला असून प्रदेश तेली महासंघ महाराष्ट्र राज्य असे नामकरण करण्यात आले आहे. प्रदेश तेली महासंघ महाराष्ट्र राज्याचे प्रदेश अध्यक्ष विजय वसंतलाल चौधरी यांनी प्रशांत सुरेश सुरळकर यांना प्रदेश तेली युवक महासंघ नाशिक विभागाच्या कार्याध्यक्ष या पदावर नियुक्तीपत्र देऊन अभिनंदन केले.
तेली समाजाचे राष्ट्रीय अध्यक्ष माजी मंत्री जयदत्त क्षीरसागर यांचे आदेशानुसार तसेच माजी खासदार सुरेश वाघमारे, विक्रांत चांदवडकर, प्रदेश महासचिव ज्ञानेश्वर दुर्गुळे, विजय काळे, महिलाअध्यक्ष संध्या सव्वालाखे, प्रदेश कार्याध्यक्ष जयश्री अहिरराव, प्रदेश युवक महासंघाचे प्रदेशाध्यक्ष विजय चौधरी, युवक महासंघाचे महासचिव साई शेलार, युवक महासंघाचे कार्याध्यक्ष श्यामकांत इशी, प्रतिभा चौधरी धुळे, यांच्या सर्वसंमतीने प्रशांत सुरळकर यांची नुकतीच नंदुरबार येथे झालेल्या बैठकीत नियुक्ती करण्यात आली. प्रशांत सुरेश सुरळकर यांच्या निवडीबद्दल समाजातील मान्यवरांकडून शुभेच्छा व्यक्त करण्यात येत आहे.
