जळगाव, दि. ०१ – रेडक्रॉस राष्ट्रीय शाखा, नवी दिल्ली आणि इंटरनॅशनल फेडरेशन ऑफ रेडक्रीसेंट यांच्या योगदानाने जळगावात रेडक्रॉस रक्त केंद्राला देणगी स्वरुपात प्राप्त झालेल्या अद्ययावत सहा ब्लड डोनर कोच युनिटचा उद्घाटन नुकतेच जिल्हाधिकारी तथा रेडक्रॉस पद्सिध्द अध्यक्ष अमन मित्तल आणि जिल्हा शल्य चिकित्सक डॉ. किरण पाटील यांच्या उत्स्फूर्त रक्तदानाने संपन्न झाला.
या प्रसंगी शासकीय वैद्यकीय महाविद्यालयाच्या प्रभारी अधिष्ठाता डॉ.योगिता बाविस्कर, रेडक्रॉसचे उपाध्यक्ष गनी मेमन, चेअरमन विनोद बियाणी, रक्त केंद्र चेअरमन डॉ. प्रसन्नकुमार रेदासनी, कार्यकारिणी सदस्य सुभाष सांखला, विजय पाटील, पुष्पा भंडारी, डॉ. अपर्णा मकासरे, शांता वाणी उपस्थित होते.
जिल्हाधिकारी अमन मित्तल यांनी शुभेच्छा देताना सांगितले कि, जळगाव रेडक्रॉसचे कार्य अतिशय कौतुकास्पद असून उत्कृष्ठ सेवाकार्य सुरु आहे. शासकीय वैद्यकीय महाविद्यालय आणि रुग्णालय यांच्या मार्फत राबविण्यात येणाऱ्या अनेक शासकीय योजनांमध्ये रेडक्रॉसचा सहभाग झाल्यास रेडक्रॉस अजून जोमाने कार्य करेल अशी अपेक्षा व्यक्त करीत सर्वांना नवीन वर्षाच्या शुभेच्छा दिल्या.
जिल्हाधिकारी अमन मित्तल यांचा स्मृतिचिन्ह देऊन आणि सर्व रक्तदात्यांचा सन्मानपत्र देऊन सन्मान करण्यात आला. या कार्यक्रमाचे सूत्रसंचालन जनसंपर्क अधिकारी उज्वला वर्मा यांनी केले आणि आभार चेअरमन विनोद बियाणी यांनी व्यक्त केले.
