अमळनेर, दि. १२- तालुक्यातील मारवड येथील रहिवासी तथा अमळनेरचे आमदार अनिल भाईदास पाटील यांचे स्वीय सहाय्यक ज्ञानेश्वर कुमावत (वय ४६) यांचे आज दि.१२ डिसेंबर २०२२ रोजी हृदय विकाराच्या झटक्याने दुःखद निधन झाले.
त्यांच्या पश्चात आई, भाऊ, पत्नी, दोन मुले असा परिवार आहे. आ. अनिल पाटील यांचे ते गेल्या अनेक वर्षांपासून स्विय सहायक होते. मनमिळावू स्वभावामुळे त्यांनी मोठ्या प्रमाणावर गोतावळा जमविला होता. त्यांच्या अकस्मात निधनामुळे अनेकांना धक्का बसला असून तालुक्यात हळहळ व्यक्त होत आहे.
