जळगाव, दि.०९ – युवाशक्ती फाऊंडेशन आणि भवरलाल ॲण्ड कांताबाई जैन फाऊंडेशनतर्फे शहरातील काव्य रत्नावली चौकात घरगुती गणेश मुर्ती संकलन केंद्राची उभारणी करण्यात आली आहे. मेहरून तलाव येथे गर्दी होऊ नये हा उद्देश लक्षात घेऊन गणेश मूर्ती संकलन केंद्रात विसर्जनासाठी घरगुती गणेश मूर्ती स्वीकारण्यात येत आहे.
अनंत चतुर्दशीच्या दिवशी शुक्रवार दि. ०० सप्टेंबर २०२२ रोजी सकाळी ७ ते सायं. ७ वाजे दरम्यान गणपती मुर्ती संकलन केंद्रात संकलीत केल्या जाणार आहे.
मागील दोन वर्षांपासून गणपती मुर्ती संकलन केंद्र जळगावकर नागरिकांच्या सेवेसाठी जळगाव शहर महानगरपालिका व जळगाव जिल्हा पोलीस दल व सार्वजनिक गणेश महामंडळ यांच्या सहकार्याने हा उपक्रम राबविण्यात येत असतो. मेहरूण तलावावर विसर्जनाची होत असलेली गर्दी बघता या उपक्रमाची सुरूवात करण्यात आली आहे.
दरम्यान घरगुती श्रींच्या मुर्त्या संकलीत करून विधीवतरित्या मेहरूण तलाव येथे युवाशक्ती फाऊंडेशनच्या स्वयंसेवकांतर्फे विसर्जीत करण्यात येणार आहेत. तरी जळगाव नागरिकांनी मोठ्या प्रमाणात काव्यरत्नावली चौकातील संकलन केंद्रावर आपली घरगुती श्रींची मुर्ती विसर्जनासाठी द्यावी असे आवाहन युवाशक्ती फाऊंडेशव व भवरलाल ॲण्ड कांताबाई जैन फाऊंडेशन तर्फे करण्यात आले आहे.
जळगाव जिल्ह्याचे जिल्हाधिकारी अभिजीत राऊत, पोलीस अधिक्षक डॉ. प्रविण मुंढे, मनपा आयुक्त विद्या गायकवाड आदि अधिकारी आपल्या घरगुती गणपती मुर्तींचे संकलन या केंद्रावर करणार आहेत.
