चोपडा, दि.24 – येथील बेरोजगार युवकांना रोजगार मिळावा याकरीता माजी विधानसभाध्यक्ष अरुणभाई गुजराथी यांच्या प्रेरणेने दि.26 आॕगस्ट रोजी भव्य नोकरी महोत्सवाचे आयोजन करण्यात आले आहे. चोपडा राष्ट्रवादी काँग्रेस पार्टी,चोपडा पिपल्स बँक सार्वजनिक सेवा ट्रस्ट,भगिनी मंडळ व इनरव्हिल क्लब,चोपडा यांच्या संयुक्त विद्यमाने या नोकरी महोत्सवाचे आयोजन करण्यात आलेले आहे.
भगिनी मंडळ संचलित समाजकार्य महाविद्यालय येथे दि.26 आॕगस्ट रोजी सकाळी 9 वाजेपासुन ते सायंकाळी 5 वाजेपर्यंत हा मेळावा सुरु राहणार आहे.तरी सर्व युवकांनी दिलेल्या वेळेस आपले मुळ कागदपत्रासहित उपस्थित राहण्याचे आवाहन आयोजकामार्फत करण्यात आले आहे. या नोकरी महोत्सवाकरीता आॕनलाईन लिंकच्या माध्यमातुन फाॕर्म जमा करण्यात आलेले आहेत व जमा करणे सुरु आहे.मात्र काही कारणास्तव आॕनलाईन फाॕर्म जमा करु न शकणार्या युवकांकरीता नोकरी महोत्सवाच्या ठिकाणी फाॕर्म जमा करण्याची सुविधा ठेवण्यात आली आहे.असेही आयोजकांमार्फत सांगण्यात आले आहे.
नोकरी महोत्सवाच्या माध्यमातुन शेकडो युवकांना रोजगार मिळणार आहे.दहावी पास,दिव्यांग व मुकबधीर आदिंनाही या महोत्सवामध्ये खात्रीशीर नोकरी मिळणार आहे.तरी या संधीचा सर्व युवा वर्गाने लाभ घ्यावा असे आवाहन माजी विधानसभा अध्यक्ष अरुणभाई गुजराथी यांनी केले आहे.
जास्तीत जास्त युवकांनी नोकरी मेळाव्याचा लाभ घेण्याचे अरुणभाई गुजराथी यांचे आवाहन..
समाजकार्य महाविद्यालय येथे होणाऱ्या भव्य नोकरी महोत्सवासंदर्भातील व्यवस्तथेची पाहणी करण्याकरीता मंगळवारी माजी विधानसभाध्यक्ष हे कार्यकर्त्यांसहित गेले असता यावेळी त्यांनी समस्त युवा वर्गास या संधीचा लाभ घेण्याचे आवाहन केले. याप्रसंगी उद्योजक आशिष गुजराथी, शहराध्यक्ष शाम परदेशी, अल्पसंख्यांक जिल्हाध्यक्ष नोमान काजी, सनी सचदेव, प्रफुल पाटील आदिंसह महाविद्यालयातील प्राध्यापक व कर्मचारी उपस्थित होते.
https://youtu.be/3ciYCf-heCo
