अमळनेर, दि.१६ – डॉ. नानासाहेब धर्मधिकारी प्रतिष्ठान रेवंदडातर्फे स्वच्छतादूत तथा पद्मश्री पुरस्कार प्राप्त डॉ. आप्पासाहेब धर्माधिकारी यांच्या वाढदिवसाचे औचित्य साधून रविवारी अमळनेर शहरात स्वच्छता मोहीम राबविण्यात आली.
डॉ. सचिनदादा धर्माधिकारी यांच्या मार्गदर्शनाखाली राबविण्यात आलेल्या अभियानात १३० सस्दय सहभागी झाले होते. त्यांनी ८ टन कचरा संकलीत केला. येथील ईदगाह मैदान, कब्रस्थान आवारातून ४ टन तर स्मशानभूमी पैलाडमधून ४ टन कचरा संकलीत करुन त्याची डम्पींग ग्राऊंडवर विल्हेवाट लावण्यात आली.
यावेळी स्वच्छता अभियानाला आमदार अनिलदादा पाटील, नगरपालिकेचे मुख्य कार्यकारी अधिकारी प्रशांत सरोदे व प्रभारी प्रशासन अधिकारी संजय चौधरी यांनी भेट दिली . दरवर्षी श्री सदस्यांच्या उपक्रमाच्या माध्यमातून राज्यभर स्वच्छता अभियान मोहीम राबवीण्यात येते. आतापर्यंत वृक्ष लागवड, वृक्ष संवर्धन, स्वछता मोहीम या उपक्रमां द्वारे सर्व श्री सदस्यांचा अंधश्रद्धा निर्मूलन, समाजोपयोगी उपक्रमात नेहमी सहभाग दिसून येतो.
