चोपडा, दि. 17 – दीडशे वर्षांची परंपरा असलेला चोपडा येथील बालाजी रथोत्सव यंदाही कोरोनाच्या पार्श्वभूमीवर रद्द करण्यात आला. दरम्यान बालाजी महाराज यांची मूर्ती रथावर आरूढ करून जागेवरच रथाचे पूजन करण्यात आले. यावेळी भाविकांना श्री बालाजीचे दर्शन उपलब्ध करून देण्यात आले.
दोन दिवस चालणारा बालाजी रथोत्सव कोरोनामुळे यंदाही रद्द करावा लागल्याने, कोरोना आजार संपूर्ण जगातुन समूळ नष्ट करण्याची प्रार्थना करण्यात आली असल्याचे माजी विधानसभा अध्यक्ष अरुणभाई गुजराथी यांनी बोलताना सांगितले.
यावेळी पुरोहित सुनील नाईक, पोलीस उपविभागीय अधिकारी ऋषिकेश रावळे, पीपल्स बॅंकेचे चेअरमन चंद्रहासभाई गुजराथी, रथोत्सव समितीचे ट्रस्टी प्रविणभाई गुजराथी आदी मान्यवरांच्या हस्ते रथाचे पूजन करण्यात आले.
https://youtu.be/qoEYXC3k1K0
