जळगाव, (प्रतिनिधी) : शिवसेना नेते आणि मंत्री गुलाबराव पाटील यांचा भादली येथे काल जल्लोषात प्रचार सुरु होता. ‘सर्वभाव’ प्रतिष्ठान व नारखेडे मित्र परिवारातील लाडक्या भगिनींनी गुलाबराव पाटील यांचा १०१ दिव्यांनी आरती करून औक्षण केले. मुस्लीम समाज बांधवांनी स्वागत केले.
भादली येथे शेत रस्ते खडीकरण व डांबरीकरण, शादिखाना कब्रस्थान संरक्षक भिंत, उर्दुशाळा, ग्राम सचिवालय व अनेक सामाजिक सभागृह, गाव अंतर्गत मुलभूत सुविधा, विविध सामाजिक सभागृह अशी विविध विकास कामे झाल्यामुळे नागरिकांनी सत्कार करून “आम्ही तुमच्या सोबत आहोत.” असा प्रतिसाद दिला. गावाच्या राज मार्गावरून व चौका – चौकातून भव्य रॅलीचे स्वागत करण्यात आले.
संवाद साधतांना गुलाबभाऊ म्हणाले की, ग्रामस्थांच्या व लाडक्या बहिणीच्या प्रेमाने मी भारावलो असून त्यांचे ऋण सर्वांगीण विकास कामांतून फेडण्याचा प्रयत्न करणार असल्याचे प्रतिपादन गुलाबराव पाटील यांनी प्रचारा दरम्यान केले. प्रचार रॅलीमध्ये भादली येथे तब्बल ३ तास मोठ्या उत्साहात गुलाबभाऊंचे स्वागत करण्यात आले.
प्रचार रॅलीत माजी महापौर ललितभाऊ कोल्हे, जि. प. चे माजी उपाध्यक्ष लालचंद पाटील, तालुका प्रमुख शिवराज पाटील, उपजिल्हा प्रमुख अनिल भोळे, रवी कापडणे, माजी सभापती जितेंद्र नारखेडे, भाजपाचे चंद्रशेखर अत्तरदे, तुषार महाजन, पिंटूशेठ पाटील, मिलिंद चौधरी, संजय भोळे, हितेश नारखेडे, कांचन नारखेडे, रिता नारखेडे, पूनम रडे, दिपाली माळी, चारुलता नारखेडे, पूनम रडे, काजल अत्तरदे, कुमुद जावळे, मनीषा पाटील, अंजली पाटील, हर्शल नारखेडे, भूषण पाटील, संदीप कोळी, सलीम पटेल, नजीर पटेल, श्याम कोगटा, सुनील बाविस्कर, किशोर कोळी, अरुण सपकाळे, तुषार महाजन, बापू महाजन, प्रवीण खडसे , मनोज खडसे, दीपक धनगर, अनिल नारखेडे, सोपान कोळे, संजू कुंभार, राजू अत्तरदे, अजय महाजन, छोटू पाटील, भूषण रडे, नाना ठाकूर, विजय माळी, विनोद अत्तरदे यांच्यासह या परिसरातील महिलांसह महायुतीचे पदाधिकारी, लोकप्रतिनिधी, कार्यकर्ते, ग्रामस्थ व महिलावर्ग मोठ्या संख्येने सहभागी होते.
